والله أنا بريئة

مرة عجوزة متهمة فى جريمة قتل قالت

والله أنا بريئة صدقوني؟؟؟؟

فرد عليها القاضي بذكاء :

.لكن مواصفات القاتلة كلها تنطبق عليك : بنت جميلة رشيقة وجذابة

العجوزة اتكسفت ونزلت راسها لتحت وقالت :

والله ما كنت ناوية اقتله

يوم ما رحت لافريقيا

واحد فشار قاعد بيفشر على واحد صاحبه

قال : تصدق اني يوم ما رحت لافريقيا كنت ساكن فى فندق فى وسط الغابه
فتحت الشباك لقيت المناظر حلوه

قلت لمراتي البسي نطلع نتمشى بالغابه لبست (فى دقيقتين) ونزلنا

و احنا بنتمشى طلعلنا نمر عاووز ياكلنا

جريت عليه واديته شلوط وموته
ثواني وطلعلنا 5 نمور طلعو صحاب النمر اللي قتلته عاوزين ينتقمو مني
بوكس بوكس فى شالوت عالماشي حصلوا صاحبهم

الراجل التانى وقع من الضحك
قاله الفشار : ايه  يا عم مالك ؟.

قاله: يحرقك ده انت كداب كدب ... مراتك لبست فى دقيقتين بس؟ !

مراتي مش بتسمع كويس

مره واحد راح للدكتور قاله انا حاسس ان مراتي مش بتسمع كويس ؟
.

الدكتور قاله كلمها على بعد 5 متر لو مسمعتش تبقى فعلا سمعها تقيل
راح دخل من باب شقته وهي في المطبخ , قال هجرب دلوقتي
قالها حبيبتي عامله أكل ايه النهاردة ؟؟ مردتش
قال أقرب متر و قالها حبيببي عامله أكل أيه النهاردة ؟ مردتش !
وقرب متر تاني , مردتش برضة !
لحد ما بقي بينه و بينها 30 سم ! قالها حبيبتي عامله أكل ايه ؟
قالتله دي خامس مره اقولك صينية بطاطس بالفراخ

بربع جنيه جبنة

مرة واحد بخيل بعت إبنه عند اللبان وقاله هات بربع جنيه جبنة، اللبان قاله روح قول لأبوك تعالى إلحس السكينة

حلال

واحد محشش شاف شيخ في المستشفى قاله : مالك يا شيخنا ؟

قال الشيخ : أبدا ، بس جاي أحلل السكر

رد المحشش:يا شيخ السكر حلال من زمان ،حاول تحلل لنا الحشيش

شكر خاص لإسلام الخياط

ستات

اتنين ستات اتسجنوا 25 سنة مع بعض، أول ما طلعوا واحدة قالت للتانية لما اروح هاتصل بيكي عشان نكمل كلامنا

رمضانيـــــات

دا أول رمضان و تم إعلان ذلك في الصعيد

حيث شوهد الهلال علي إحدي سيارات الآسعاف


محشش بيعزم أصحابه فى رمضان :
إتفضلوا على الفطار
بكره الصبح
الساعة 12 الظهر،
يوم الاحد بعد صلاة الجمعة


دعاء مسطول:
يا رب اجعل رمضان زي كأس العالم
كل اربعة سنين مرة
وكل مرة في بلد

عيب عليك

واحد بيقول لجاره: يا أخي عيب عليك امبارح عمال تبوس مراتك في البلكونة، قام رد عليه وقاله: لا والله ما انا.

واحد وصاحبه محششين

بيقولك مــحـــشـش بـسـال صاحـبه

يعني ايه كلمه why  بالعربي 

رد صحبه قاله ( ليــه )

رد المحشش : لا ولا حاجه انا بس بسأل

اتنين محششين واحد بيقول للتاني تعرف مش انا حصلتلي حادثة يوم الجمعة و العربية دهستني و راسي اتقطعت و رحت صيدلية النور و لزقولي راسي من تاني

التاني قاله يا كداااااااااب صيدلية النور بتقفل الجمعة

خلاص دفعتلك

واحد راكب الاتوبيس فعدى الكمسري قاله تذاكر قاله مش معايا فلوس ... الكمسري ضربه على أفاه وقاله خلاص مش مهم
فقاله : طيب اضربني أفة تاني ... الكمسري ضربه

راح نادى على صاحبه وقاله : حسنين متدفعش خلاص دفعتلك