قاله: عشان لو العملية فشلت ماحدش يعرفهم
إظهار الرسائل ذات التسميات غباء. إظهار كافة الرسائل
إظهار الرسائل ذات التسميات غباء. إظهار كافة الرسائل
الاثنين، أبريل 29، 2013
ليه الجراحين بيحطوا كمامة؟
قاله: عشان لو العملية فشلت ماحدش يعرفهم
السبت، مارس 30، 2013
الجمعة، مارس 29، 2013
ما هى الدولة التى تتمنى السفر اليها ؟
سأل المدرس التلميذ: ما هى الدولة التى تتمنى السفر اليها ؟
التلميذ: تشيكوسلوفاكيا
المدرس: اطلع اكتبها على السبورة
التلميذ: و ربنا بهزر معاك يا جدع. دا انا بموت فى مصر
جد بيقول لحفيده
جد بيقول لحفيده: روح استخبى فى اوضتك. الأستاذ جه و انت ماعملتش الواجب
حقوله انك عيان فى السرير
رد الحفيد: انت الى روح استخبى فى اوضتك يا جدو
انا قايله فى المدرسة النهاردة انك مت امبارح بالليل. شكله جاى يعزينى
الخميس، مارس 28، 2013
مندوب مبيعات مكانس كهربائية
مندوب مبيعات مكانس كهربائية راح لأول بيت وخبط على الباب
فتح له صاحب البيت. راح المندوب على الصالة و رمى كيس مليان بالتبن على السجادة
و قال: شوف يا باشا. المكنسة دى لا صنع الصين ولا صنع اليابان
المكنسة دى عجيبة غريبة. هتنضف كل التبن اللى كبيته كله
وشرط يا باشا لو مانضفتش كويس هاكل التبن ده كله
قاله صاحب البيت: عايز معاه بيبسى ولا عصير؟
المندوب قاله: ليه؟
قاله: لأن اصلا مفيش فى البيت كهربا
الجمعة، مارس 22، 2013
واحد فى امريكا قتل حماته
مرة واحد محشش سمع فى الأخبار ان فى واحد فى امريكا قتل حماته و دفنها تحت السرير
و اكتشفوا الجريمة بعد 25 سنة
فالمحشش سمع الخبر قال ياه 25 سنة؟؟!! فقال لما اجرب
قتل حماته و دفنها تحت السرير
بعد 5 دقايق جه البوليس
الراجل قال ايه ده؟؟ ال 25 سنة لحقوا يعدوا بسرعة كدة؟؟
الظابط قاله لا يا روح امك, بس الأمريكى كان ساكن فى الدور الارضى
مش زيك فى الدور الخامس
واحد قاعد ياكل بذر تفاح
واحد قاعد ياكل بذر تفاح, صاحبه بيقوله ايه ده؟
قاله: ده بذر تفاح
قاله: حد ياكل بذر تفاح!!!
رد عليه: ده مفيد جدا و منشط للذاكرة و بيزود الذكاء
صاحبه قاله: ادينى شوية
رد عليه: لا انا حبيعلك 10 بذرات ب 100 جنيه
قاله: ماشى خد ال 100 جنيه و هات البذر
بدأ ياكل اول واحدة و تانى واحدة و بعدين بطل و قال بصوت عالى لصاحبه:
انت بتضحك عليا, انا كان ممكن اشترى 15 كيلو تفاح بال 100 جنيه دى
رد صاحبه و قاله: شوفت ازاى من تانى بذرة بدأت تفكر؟
امال بعد العشرة هتعمل ايه
الأربعاء، مارس 20، 2013
اهبل بيهشتك ابنه فى البلكونة
واحد اهبل بيهشتك ابنه فى البلكونة...عدى واحد صاحبه فى الشارع بيقوله عامل ايه؟؟
قاله: الحمد لله
قاله: ايه اللى فى ايدك ده؟؟
قاله: ده ابنى لسة مخلفه من اسبوع
قاله: طيب احدفهولى كدة لما اشوفه
قاله: لا يا عم لاحسن يقع
قاله: لا ماتخفش انا كنت حارس مرمى
راح مهوشه يمين و حدف الواد شمال
الأحد، يناير 15، 2012
اتنين أغبية طالعين رحلة
مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك
ميعرفوش هو ايه الاسانسير
مرة واحد هو وابنه ميعرفوش هو ايه الاسانسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ظغطت على الزر اللي في الحيطة ودخلت الاسانسير وبعد شوية الاسانسير نزل وطلعت منه شابة جميلة
فالراجل قال لابنه روح هات امك هنا
الخميس، يناير 12، 2012
غبي معاه 150 جنيه
واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. بعدين الباب خبط.
فقال: مين.
افتح بوليس.
راح مقطع الخمسين جنيه بتاعة البانجو
الأربعاء، يناير 11، 2012
سواق قتل 60 واحد في حادثة
سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله ما انا عملت كده يا بيه قاله الضاط امال قتلت 60 ليه ؟
قاله م انا قتلت واحد والتاني جري علي الفرح والله ما سبته يا بيه
غبي الناس بتقوله يا حمار
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش ..
قالت له وهي غضبانة.....اتنيل م انت بكره تكبر وتبقي حمار تاني
الثلاثاء، يناير 10، 2012
غبي ركب العربية
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟
إكتشف انه كان راكب ورا
الثلاثاء، يناير 03، 2012
الأحد، يناير 01، 2012
واحد بلدياتنا عايز ينط من سطح العمارة
واحد معدى لقى ناس بتهيص قوى
قال لهم فيه ايه؟
قالوله فى واحد بلدياتنا عايز ينط من سطح العمارة
قالهم خلاص انا طالعله...
طلعله وقاله عايز تنتحر ليه؟
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة. اقولك واحدة تانية حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله...حاجة كبيرة وسودة وبتجيب لبن واسمها جموسة
بلدياتنا 3 بيضات
راح الراجل ماسكه وراميه
السبت، ديسمبر 17، 2011
دخل على مراته البيت
مرة واحد دخل على مراته البيت لقى معاها راجل..قالها :
و الله عال..النهاردة راجل...بكرة تشربيلي سجاير !!!
الخميس، ديسمبر 15، 2011
غبي راح يخطب
مرة واحد غبي راح يخطب. ابو العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل
الثلاثاء، نوفمبر 29، 2011
السبت، نوفمبر 26، 2011
راكبين عربية أجرة
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
الاشتراك في:
الرسائل (Atom)