واحد بخيل قوي حلم إنه بيوزع فلوسه على الفقراء، لما صحي قال أبقي عيل لو نمت تاني
السبت، فبراير 12، 2011
الأربعاء، فبراير 09، 2011
صعيدى رشح نفسه
صعيدى رشح نفسه فى الانتخابات كتب تحت صورته
و عسى ان تكرهوا شئ و هو خير لكم
صعيدى طلب يتعين فى مجلس الشعب
قالوا له انت اهبل !
قال لهم يعنى لازم الشرط ده؟؟
واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟
محشش وقفوه فى كمين سألوه مش رابط الحزام ليه؟
رد انا اصلا مش لابس البنطلون
واحد مسطول ماشى بعربيته عكس الاتجاه
سمع المذيعة فى الراديو بتقول: الشرطة تلاحق واحد يمشى عكس الاتجاه
قال لنفسه: هههه هوا واحد بس دنا شايف عشرين لحد دلوقتى
مسطول ضرب ظابط و موته و اتصل ب 122 و قال لهم احب ابلغكم انكم بقيتو 121
طقم نكت جديييييد
صعيدى رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع
تاجر مخدرات راح يخطب واحدة
فأبوها بيسأله انت بتشتغل ايه؟
قال له فنى تكييف
واحد مصرى اتجوز واحدة صينية باسها بوستين باظت
مذيع بيسأل صعيدى: أحمد زويل اخد جايزة نوبل فى ايه؟؟
قال له فى علبة قطيفة حمرا
محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل
قال له بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له الصراحة مكنش عايز بس ابوه و امه ضاغطين عليه
صعيدى شغال سواق تاكسى فى الصين
كل ما حد يشاورله يقول له : ابو شكلك انا لسة موصلك
عصفور صدمته عربية و اغمى عليه
صاحب العربية وقف و اخده البيت و حطه فى قفص
صحى العصفور لقى نفسه فى القفص مسجون قال معقوله يكون الراجل مات !!
صينى عايز يشترى 10 علب كوكاكولا
دخل محل بقالة صعيدى قال له : ين شين شانج كوكاكولا
الصعيدى قال له بتقول 10 علب ايه؟
سألوا صعيدى ايه اخبار الصيام؟
رد و قال و الله لولا الوضوء كنا متنا من العطش
صعيدى عايز يشنق نفسه من رجليه سألوه ليه؟
قال جربت من رقبتى كنت هموت
تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا
الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية
واحد واقف ادام الكعبة بيدعى يارب سامحنى على كل كلمة قلتها على الصعايدة
فواحد صعيدى وراه قال له هى القبلة ازاى؟
قال له شفت يارب هما اللى بينكشونى
محشش بيقول لصيدلى عندك شريط للبرد؟
قاله اه
قاله شغله خلينا نسمع
مجانين شغل لهم الدكتور اغنية
قاموا كلهم يرقصوا الا واحد
الدكتور فرح و سأله انت ليه مش بترقص معاهم؟
قال له اصل انا العروسة
بخيل عمل شوربة لحمة سألوه فين اللحمة؟
قال لهم : يعنى هوا شاى العروسة فيه عروسة؟
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه
راجل قام من النوم على صوت زعيق سأل الجيران فى ايه؟ قالوا له تصدق المياه مسممة
مراته صحيت سألته فى ايه؟
قال لها : المياه هتقطع اشربى و نامى
صعيدى قاعد على الشط شاف واحد بيغرق
كل ما يرفع ايده
يقول له و عليكم السلام و رحمة الله
سألوا مصرى ليه المصريين بيحلفوا كتير؟
قال: طب و الله العظيم دى اشاعة
قسما بالله ده افترى
و المصحف ما صحيح
و عهد الله ده ظلم
و ربنا احنا مش كدة
صعيدى مش عايز يرد على صاحبه بعتله رساله
انا ناسى الموبيل فى البيت
صعيدى المضيفة بتسأله: اجيب لك عشا كامل؟
قال لها: ليه هوا كامل مش هيتعشى؟؟
واحدة بتقول لشيخ انا بصلى و محجبة و بقرأ قرءان
قال لها ده مفتاح الجنة
واحدة تانية بتقوله انا بحب البس شورتات و مايوهات
قال لها و ده مفتاح الشقة
واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة
صعيدى سرق مليون جنيه خدهم و شالهم فى حفرة و كتب "مفيش فلوس هنا"
راح حمدان ابن عمه خدهم و كتب " حمدان مخدش حاجة"
صعيدى مسكوه مع شبكة ارهابية قالوا له ايه اخر عملية عملتها؟ قال البواسير
غبي بيشنقوه شاورلهم بايده
نزلوه و سألوه فى ايه؟
قال لهم كنت هموت يا جزم
واحد مصرى قاعد يصلى سمع اتنين بيشكروا اوى فى صلاته و ايمانه
قطع صلاته و قال لهم لا و صايم كمان
السبت، يناير 15، 2011
الاثنين، يناير 10، 2011
الثلاثاء، يناير 04، 2011
الأحد، ديسمبر 19، 2010
الاثنين، نوفمبر 08، 2010
جدييد
واحد صعيدى قرر يعمل عملية تجميل لتوسيع عينيه
قام فتحهم على بعض
***
محشش راح يعزي
وفى العزا اتأثر جدا
وهو طالع سأل أخو الميت :
ما فيش أمل يرجع ؟
***
ليه الصعيدى لما بيتكلم مع الأجانب بيخللي عينيه لتحت من اللي بيتكلم معاه ؟
عشان يقرأ الترجمة
***
صعيدى سمى ابنه على اسم أبوه : بابا
***
صعيدى راح يعزى فى جنازة
سأل واحد : كان بيشتغل ايه الميت
قال : يحفر قبور
قال الصعيدى :
سبحان الله ، من حفر حفرة لاخيه وقع فيها
***
صعيدى قالوله :
التدخين يؤدي إلى الموت البطيء
قال : أنا أساسا مش مستعجل
***
سائق تاكسي من التعب والعرق أصبحت ريحتة كريهه
ركب معاه محشش وسأله عربيتك كم حصان ؟
قاله : 20 حصان
قال المحشش : الظاهر واحد منهم مات
الاثنين، أكتوبر 04، 2010
حدث بالفعل
حدث بالفعل:مشروع المندرة ماشى فى شارع جمال عبد الناصر راكب فيه واحد بلديتنا..جه عند مؤسسة عبد الرازق واحد من الركاب نادى السواق "عبد الرازق يا اسطى" قام منزله..جه عند مستشفى جيهان واحدة نادت السواق"جيهان يا اسطى" ..قام منزلها...طلع الكوبرى اللى فوق شارع 45 و نزل قام بلدينا منادى على السواق " عبد الباسط يا اسطى..عبد الباسط يا اسطى" السواق مافهمش و قاله عايز ايه يا بلدينا قام قاله "مش اللى عايز ينزل بيجولك اسمه"
الاشتراك في:
الرسائل (Atom)